"You have a place to belong to. At iyon ay ang lugar sa puso ng nagmamahal sa iyo... sa puso ko."
Unang kita pa lamang ni Rain sa Manila boy na si Victor dela Fuente ay nakuha na nito ang kanyang atensiyon. Minahal niya nang lihim ang lalaki at pinangarap na mapansin siya nito. Isang araw ay nagkatotoo ang kanyang inaasam. Sa sobrang tuwa niya ay nag-offer siya na maging tagagawa ng mga assignments at research papers nito. Tinulungan din niya ito nang bugbugin ito ng lalaking diumano ay inagawan nito ng nobya.
Mula noon ay unti-unting lumalim ang kanilang pagkakaibigan. Sabay silang nangarap ng magandang bukas at naging saksi siya sa mga pagbabago nito. Pero isang araw ay natuklasan niyang pagbabalatkayo lang pala ang inaakala niyang totoong pakikitungo nito sa kanya.
Dapat ay magalit siya rito. Dapat ay gumanti siya. Pero bakit tila iba ang ibinubulong ng kanyang puso na dapat niyang gawin?